Magjia e numrit 10

Admin Anëtarësuar : 25 Apr 2008 Mesazhe : 775

Magjia e numrit 10, apo Legjionaret e Futbollit Botëror

PublikimeLLAPJANI_1 Shkruan "A është një rastësi që nga Pele te Maradona, nga Platini te Ziko, nga Totti te Zidan,nga Del Piero tek Ronaldinjo...të gjitha legjendat e futbollit spektakolar kanë mbajtur fanellën me numër 10?

A është një rastësi që nga Pele te Maradona, nga Platini te Ziko, të gjitha legjendat e futbollit spektakolar kanë mbajtur fanellën me numër 10? Përgjigjja është "jo", sepse kjo fanellë ka diçka magjike.

Një fanellë që ka qenë gjithmonë mbi supet e njerëzve që kishin diçka më shumë se të tjerët. Një fanellë e veçantë. Merrni rastin e Maradonës.

Që kur Diego Armando ka lënë futbollin, si te Napoli, ashtu edhe te kombëtarja argjentinase, asnjë tjetër nuk mund ta veshë fanellën me numrin 10. E gabuar? Për disa aspekte, ky është një numër i paprekshëm. Pasi e ke mbajtur një herë, është e vështirë, ose gati e pamundur të bësh më pa të.

Shpeshherë ai që e ka në klubin e tij synon ta mbajë edhe në kombëtare. Në klub, ai mund të luajë edhe me një fanellë të zakontë, por kur bëhet fjalë për numrin 10 në kombëtare, atëherë konkurrenca bëhet edhe më e madhe, pasi "magjia" ka arritur kulmin. Zlatan Ibrahimoviç, për shembull, është "dorëzuar" te Juventuesi në dëm të Del Pieros, por te kombëtarja suedeze i ka gjërat e qarta: numri 10 i përket atij.

Duke i hedhur një sy listës së futbollistëve të grumbulluar për në botëror, dallojmë se si disa futbollistë e kanë mjaft të vështirë të ndahen nga numri 10. Për të luajtur me këtë numër, duhet të kesh karakteristika të veçanta.

Në Angli, ku vlen edhe më pak "fiksimi" i numrit 10, Sven Goran Erikson ia ka besuar këtë fanellë Majkëll Ouenit. Një ish-"Top i artë", sa për të kujtuar aftësitë e 25-vjeçarit. Numri 10 i Italisë është edhe numri 10 i Romës, kapiteni Françesko Toti.

Janë të shumtë ata që mendojnë se fantazisti është futbollisti më i mirë italian i momentit. Kjo fanellë mund të ishte edhe e tij, por Alesando del Piero, duke ditur rolin e tij si sulmues, është "kënaqur" edhe me numrin 7.

Zinedin Zidan, i cili pas kampionatit botëror do t'i japë lamtumirën futbollit, ka pranuar pesën te Realin, por te Franca do të luajë me numrin 10.

Nuk kishte si të ndodhte ndryshe...asnjë nuk mund t'ia merrte këtë numër "të madhit" Zizu, as "i jashtëzakonshmi" Henri.

Te Brazili, Ronaldinjo i ka shuar dyshimet prej katër vitesh. Numri 10 i përket vetëm atij. Prej dy vitesh, "Dinjo" është numri 1 i planetit. Adriano ka pranuar shtatën.

Ndërkohë, një interist që do të mbajë numrin 10 në botëror, është serbi Dejan Stankoviç. Më pas, me radhë skuadrat e tjera. Spanja me Rejesin, Gjermania me Balakun, Holanda me Van Der Vartin dhe Çekia me Roziçkin, "magjia" e numrit 10 ka goditur kudo. "

Nga Meriton Sheholli